काेराेना अपडेट : देशभर थप २१ काे निधन, ४ हजार ३ सय ९२ संक्रमित थपिए

पाेखरा । पछिल्लाे २४ घण्टामा देशभर कुल ४ हजार ३ सय ९२ जनामा कोरोनाभाइरसकाे संक्रमण पुष्टि भएको छ । यससँगै कोरोना संक्रमितको कुल संख्या १२६,१३७ पुगेको छ । यस्तै, गत २४ घण्टामा देशभर काेराेनाकै कारण थप २१ जनाको मृत्यु भएकाे छ । थप २१ जनाको मृत्यु भएसँगै हालसम्म देशमा काेराेनाका कारण ज्यान गुमाउने मृतकको कुल संख्या ७१५ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले शुक्रबारको नियमितप्रेस ब्रिफिङमा जानकारी दिए ।

देशभर सक्रिय संक्रमितको संख्या ३७ हजार ३८२ पुगेको छ । जसमा संस्थागत आइसोलेशनमा १२ हजार ३३६ र होम आइसोलेशनमा २५ हजार ४६ जना रहेका छन् ।

यस्तै पछिल्लो २४ घण्टामा थप ३,५२२ जना संक्रमित निको भएसँगै हालसम्म निको हुनेको कुल संख्या ८८ हजार ४० पुगेको छ । हालसम्म १२ लाख ५४ हजार १६७ जनाको पीसीआर भइसकेको छ।