बेलायत साउथ वार्कका मेयर चाेपराले पोखरा–१३ मा भनेः पाेखरा देख्दा राेमाञ्चित भएँ

पोखरा
संयुक्त अधिराज्य (बेलायत)को साउथ वार्कका मेयर सुनील चोपरालाई पोखरा महानगरपालिका वडा १३ का जनप्रतिनिधिले स्वागत गरेका छन् । चोपरालाई पोखरा–१३ का वडाध्यक्ष किरण बरालले स्वागत गरेका हुन् ।

दुई जनप्रतिनिधिबीचको भेटघाटमा उनीहरुले अनुभव आदान–प्रदान तथा विकासका कामबारे कुराकानी गरेका थिए । मेयर चोपराले पोखराको सुन्दरताले आफूलाई मोहित बनाएको योजनावद्ध विकास गर्ने हो भने यो सहर विश्वकै सुन्दर बन्ने बताए । उनले पाेखरा देखेर राेमाञ्चित भएकाे पनि बताए ।

वडाध्यक्ष बरालले महानगर तथा वडाले प्राथमिकताका साथ गरिरहेको कामबारे जानकारी गराएका थिए ।

उनीहरु दुई स्थानीय तहबीच सम्बन्ध जोड्ने विषयमा पनि छलफल भएको छ । चोपराले आपसी भाइचारा कायम गर्न र यहाँको विकासमा सहयोग गर्न तयार रहेको बताएका थिए ।

पोखरा घुम्न आएका मेयर चोपराले विभिन्न पर्यटकीय ठाउँको भ्रमण गरिरहेका छन् । चोपराले बिहीबार बेलायका राजकुमार चाल्र्स हिँडेको पोखरा–२६ को रुटमा पदयात्राका लागि जाँदैछन् ।