प्रधानमन्त्रीको अभिव्यक्तिलाई लिएर एमालेले गर्यो तेस्रो पटक राष्ट्रिय सभा बैठक अवरुद्ध

पोखरा

प्रमुख प्रतिपक्षी दल नेकपा एमालेले प्रधानमन्त्री प्रचण्डको अभिब्यक्तिलाई लिएर तेस्रोपटक राष्ट्रियसभा बैठक अवरुद्ध गर्दै सरकार दिल्लीबाटै बनेको त हैन भन्दै प्रश्न गरेको छ ।

शुक्रबार बसेको राष्ट्रिसभा बैठकमा एमालेको तर्फबाट राष्ट्रियसभा सदस्य बिमला घिमिरेले नेपालको सार्वभौम संसदले प्रधानमन्त्री बनाउने कि दिल्लीलाई खुसी पारेर बनाउने हो भन्दै प्रश्न गरेकी छिन् ।

राष्ट्रियसभा अध्यक्ष गणेशप्रसाद तिमिल्सिनाले प्रधानमन्त्रीलाई संसदमा बोल्न दिने वातावरण बनाउन आग्रह गर्दै संसद सुचारु गर्न आग्रह गरे । तर एमाले सांसदले अवरोध कायम राखिरहेपछि असार २४ गते आइतबार बिहान ११ बजेर ३१ मिनेटसम्मका लागि बैठक स्थगित गरेका छन् ।

प्रकाशित मिति २०८० असार २२ गते शुक्रबार ०२:२०