सांसद सुनील शर्मा थुनामुक्त

पोखरा

काठमाडौं जिल्ला अदालतले सांसद सुनिल शर्मालाई थुना बाहिरै राखेर अनुसन्धान गर्न आदेश दिएको छ ।

जिल्ला अदालतका न्यायाधीश धनपति शर्माको इजलासले शर्मालाई थुना बाहिरै राखेर अनुसन्धान गर्न आदेश दिएको हो । नक्कली शैक्षिक प्रमाणपत्र बनाएको कसुरमा शर्मालाई प्रहरीको केन्द्रीय अनुसन्धान ब्युरो (सीआईबी) ले बिहीबार गोल्फुटारस्थित निवासबाटै पक्राउ गरेको थियो । मोरङ ३ बाट प्रतिनिधिसभा सदस्यमा निर्वाचित सांसद शर्मालाई भारतबाट प्रवीणता प्रमाणपत्र तहको शैक्षिक योग्यताको नक्कली प्रमाणपत्र बनाएको भेटिएपछि पक्राउ गरेको हो ।

विराटनगरस्थित नोबल मेडिकल कलेजका सञ्चालकसमेत रहेका शर्माले सोही प्रमाणपत्रका आधारमा उनले एमबीबीएस अध्ययन गरेका थिए । उनी काठमाडौं मेडिकल कलेज, पिपल्स डेन्टल कलेज र चिकित्सा शिक्षा तयारीका लागि अध्ययन गराउने संस्था भाइब्रेन्टका लगानीकर्ता पनि हुन् । उनले अध्ययन गरेको भनिएको शिक्षालयले पनि प्रमाणपत्र नक्कली रहेको पुष्टि गरिसकेको छ ।

प्रकाशित मिति २०८० साउन २६ गते शुक्रबार ०७:१२