दिवंगत सुवास नेम्वाङको पार्थिव शरीर पशुपतिमा अन्त्येष्टि गरिँदै

पाेखरा

संविधानसभा अध्यक्ष एवं नेकपा एमालेका उपाध्यक्ष सुवास नेम्वाङको शवयात्रा पशुपतिस्थित आर्यघाट पुगेको छ ।

बालुवाटारस्थित निवासबाट सुरु भएको शवयात्रा त्रिवि शिक्षण अस्पताल, महाराजगञ्ज, चाबहिल हुँदै पशुपति आर्यघाट पुगेको हो ।

पशुपति आर्यघाटमा दिवंगत नेम्वाङको पार्थिव शरीरलाई परिवारसहित प्रधानमन्त्री पुष्पकमल दाहाल, नेकपा एमाले अध्यक्ष केपी शर्मा ओलीलगायतले राष्ट्रिय तथा पार्टीको झन्डा ओढाएका छन् ।

अबको केहीबेरमा उनको दाहसंस्कार गरिने छ ।

यसअघि नेम्वाङको पार्थिव शरीर बालुवाटारस्थित निवासबाट मुन्धुम सँस्कृति अनुसारको विधिपूर्वक उठाइएको थियो ।

उनको अन्त्येष्टि मुन्धुम र हिन्दु सँस्कृति अनुसार गरिँदै छ ।

उनको निधनको शोकमा सरकारले आज देशभर सार्वजनिक बिदा दिएको छ ।