पाेखरा
नेपालका लागि भारतीय राजदुत नवीन श्रीवास्तवले भारतीय पर्यटकलाई पोखरा भित्र्याउन मुग्लिन पोखरा सडकको स्तरोन्नति छिट्टो सक्नुपर्नेमा जोड दिएका छन् ।
उनले भारतीय पर्यटकको गुनासो सडकमा रहेको भन्दै यसलाई छिट्टो सक्नुपर्नेमा दबाव दिए ।
पोखरा पर्यटन परिषद्ले पर्यटन दिवसको अवसरमा आयोजना गरेको कार्यक्रमलाई बुधबार सम्बोधन गर्दै भारतीय राजदुत श्रीवास्तवले उक्त सडकको स्तरोन्नतिमा नेपालले हस्तक्षेप गर्नुपर्ने बताए ।
चीनियाँ कम्पनीले बनाइरहेको राजमार्गबारे कटाक्ष गर्दे भारतीय राजदुत श्रीवास्तवले राजमार्ग छिट्टो बनाउनेमा भारतीय कम्पनीले रेकर्ड राखेको बताए ।
उनले ड्यासमा रहेका मुख्यमन्त्री सुरेन्द्रराज पाण्डे, पर्यटनमन्त्री दीपेन्द्रबहादुर थापालाई हेर्दे राजमार्ग निर्माणका लागि अर्को पटक भारतीय कम्पनीलाई सम्झन आग्रह गरे ।
प्रकाशित मिति २०८० असोज १० गते बुधबार ०८:१५
