साँझपखः फेवाताल र आरती

पोखरा
पुम्दिकोट डाँडाबाट घामको लालि खस्दै थियो । जब घामको झुल्को खस्यो टलटल टल्किरहेको फेवातालको मिनेटमै रुप बदलियो ।

वराहीघाटबाट डुंगा सयर गर्दै तालवराही मन्दिर जाने आउने क्रम रोकिएको थिएन । नेपाली, भारतीय र तेस्रो मुलकबाट आएका पर्यटक डुंगा सयरमा रोमाञ्चित हुँदै थिए ।

उज्यालोलाई साँझले जित्दै गयो । तालवराही मन्दिर, वराहीघाटमा बिजुली बत्ती बल्न थाल्यो ।

त्यसपछि सुरु भयो फेवा किनारमा आरती । ५ वर्ष अगाडि घटस्थापनाकै दिनबाट सुरु भएको आरती लेकसाइड आउने पर्यटकका लागि नयाँ प्रडक्ट बनेको छ । हरेक दिन फेवाताल किनारमा आरती हुँदै आएको छ ।