कास्कीमा १८ महिने शिशुसहित ७८ जनामा काेराेना पुष्टि

पाेखरा । कास्कीमा मंगलबार एकजना १८ महिने शिशुसहित थप ७८ जनामा काेराेना भाइरसकाे संक्रमण पुष्टि भएकाे छ । कास्कीकाे मादी गाउँपालिकामा १ जना १८ महिने शिशुसहित ६ जनामा काेराेना पुष्टि भएकाे छ भने पाेखरा महानगरपालिकाका ७२ जनामा काेराेना पुष्टि भएकाे प्रदेश स्वास्थ्य निर्देशनालयले जनाएकाे छ ।

मंगलबार कास्कीका ७८ जनासहित गण्डकी प्रदेशभर १०६ जना थप संक्रमित भेटिएका छन् । जसअनुसार, बाग्लुङका ३ जना, गाेरखाका १ जना, नवलपरासीका ११ जना, तनहुँका ७ जना, स्याङजाका ४ जना, म्याग्दीका १ जना तथा पर्वतका १ जना रहेका छन् ।

याे संगै समग्र प्रदेशमा काेराेना संक्रमितकाे संख्या १२ हजार १३८ पुगेकाे छ ।