म्याग्दी
बेनी हुँदै जोमसोम तर्फ मोटरसाईकलमा सवार जर्मन नागरिक म्याट्रेड वि (Mantred B) को दुर्घटनामा परी घटनास्थलमै मृत्यु भएको छ ।
बेनी–जोमसोम सडक अन्र्तगत पर्ने अन्नपूर्ण गाउ“पालिका, ३ काप्रेभीरबाट मोटरसाईकल अन्दाजी ८० मिटर तल कालीगण्डकीमा खसेको थियो ।
उद्धारमा संलग्न जिल्ला प्रहरी कार्यालय म्याग्दीका प्रहरी निरिक्षक कुमार गुरुङका अनुसार चालक सडकदेखी अन्दाजी ६० मिटर तल भीरमा अल्झेका थिए । उद्धारकर्मीले फेला पार्दा म्याट्रेडको मृत्यु भैसकेको उनले बताए ।
बिहिबार साँझ ७ बजे तिर भएको दुर्घटनामा मृत्यु भएका म्याट्रेड विको शव राती २ बजे बेनी अस्पतालमा ल्याइएको थियो।
जिल्ला प्रहरी कार्यालय म्याग्दीका प्रहरी नायव उपरीक्षक मदन कुँवरले दिएको जानकारी अनुसार चार जना स्पेनिस र ११ जर्मन गरी १५ जना मोटरसाईकल राईडरहरु बिहीबार पोखराबाट बेनी हुँदै मुक्तिनाथ यात्रामा हिडेका थिए ।
चालक मृतक जर्मन नागरिकका अन्य साथीहरु मुस्ताङको लेते पुगेको र शुक्रवार बिहान बेनी अस्पतालमा आएका थिए ।
दुर्घटनामा उद्धार गर्न मुस्ताङबाट आएको सेना, बेनीबाट गएको प्रहरी तथा शसस्त्र र बाग्लुङबाट विपद उद्धार टोली परिचालन भएको थियो ।
प्रकाशित मिति २०८० कात्तिक २४ गते शुक्रबार ०६:३१
