आज बाला चतुर्दशी शतबीज छरिँदै

पोखरा

आज बाला चतुर्दशी । काठमाडौंको पशुपतिनाथ क्षेत्रसहित देशका शिवालयमा आज बिहानदेखि शतबीज छर्न सुरु भएको छ ।

श्रद्धालु चतुर्दशीका दिन बिहान सबेरै उठी स्नान गरी शतबीज छर्छन्। शतबीजमा धान, जौ, गहुँ, चना, तिल र कागुनुजस्ता अन्नसहित केरा, उखु, सुन्तला, अनार, भोगटे, कागती निबुवा, बिमिरो,अमला आदि फलका र विभिन्न किसिमका फूल हुन्छन्।

भगवान् शिव मृगरूप लिएर घुमेको विश्वास गरिने पुण्यक्षेत्रमा एक गेडा बीज छर्दा एक गेडा सुन दान गरेबराबरको पुण्य मिल्ने र दिवङ्गत आत्माले पनि मुक्ति पाउने चर्चा विभिन्न धर्मग्रन्थमा गरिएको छ ।

चतुर्दशीका दिन बिहानै मृगस्थली क्षेत्रमा शतबीज छरेमा पितृको उद्धार हुने जन्ममृत्युको चक्रबाट मुक्त भइने चतुर्वर्ग चिन्तामणि नामक ग्रन्थमा उल्लेख छ ।

आजकल आफ्नो नजिक पर्ने शिवालयमा पनि शतबीज छर्ने चलन छ । पोखराका विभिन्न शिवालयहरुमा आज शतबीच छरिँदै छ ।