गण्डकीमा गठबन्धनका मनरुपा, किरणबाबु र पदमबहादुरले उम्मेदवारी दर्ता गरे

पोखरा

राष्ट्रिय सभा निर्वाचनका लागि गण्डकी प्रदेशमा सत्ता गठबन्धनका उम्मेदवारले मनोनयन दर्ता गराएका छन् ।

नेपाली कांग्रेसका किरणबाबु श्रेष्ठले अन्य क्लष्टर र पदमबहादुर परियारले अपांगता र अल्पसंख्यक क्लष्टरमा प्रदेश निर्वाचन कार्यालय गण्डकीमा स्थापना गरिएको निर्वाचन अधिकृतको कार्यालयमा पुगेर उम्मेदवारी दिए ।

श्रेष्ठ गोरखा र परियार तनहुँका हुन् ।

गठबन्धनमा आबद्ध नेकपा माओवादी केन्द्रकी उम्मेदवार मनरुपा शर्मा (विमला) ले महिलातर्फ मनोनयन दर्ता गराएकी छन् । पर्वतकी विमल शहीद पत्नी हुन् ।