गायिका अञ्जु पन्तकी छाेरी परिताेशिका अब म्युजिक भिडियाेमा ( भिडियाेसहित)

पाेखरा । गायिका अन्जु पन्तकी छाेरी परितोशिका पन्त म्युजिक भिडियाे मार्फत रंगकर्ममा देखापरेकी छिन् । गायिका अञ्जु पन्तकै स्वर तथा संगीतमा तयार भएको ‘धेरै माया नदेउ मलाई’ बोलको गीतमार्फत उनी रंगकर्ममा उत्रिएकी हुन् ।

गायिका पन्तकाे स्वर तथा संगित रहेकाे गीतमा सुरेश वाग्लेको शब्द छ । निकेश खड्काले निर्देशन गरेको यो गीतको भिडियोमा विकास धमलाको सम्पादन, धिरजजंग शाहको छायांकन छ ।

यो गीतको भिडियोमा गायिका पन्तकी छोरी परितोशिकालाई मोडल कुनसाङ बोमजमले साथ दिएका छन् । परितोशिकाले अब आफू म्यूजिक भिडियो र चलचित्रमा काम गर्ने सोचका साथ आएको बताइन् ।