आज महाशिवरात्रि : भगवान शिवको पूजा, आराधना गरी मनाइँदै

पोखरा ।

आज महाशिवरात्रि पर्व, देशभरका शिवालयहरुमा विधिपूर्वक भगवान शिवको पूजा, आराधना एवं दर्शन गरी मनाइँदै छ ।

महाशिवरात्रिमा भगवान् शिवको पूजा–आराधना गरिन्छ ।

वैदिक सनातन हिन्दु धर्मावलम्बीहरु आज बिहानैदेखि नदी, कुण्ड र तलाउमा स्नान गरी शिवालयमा गई श्रद्धाभक्तिपूर्वक पूजा–आराधना गर्ने गर्दछन् ।

आज भक्तजनहरु व्रत बस्ने र भगवान् शिवको प्रिय वस्तु दूध, धतुरो र बेलपत्र चढाएर पूजा गर्ने गर्छन् ।

आजको दिन भगवान् महादेवलाई जाडो हुने जनविश्वासले प्रत्येक घर, चोक र मठ–मन्दिरमा दाउरा मागेर धुनी जगाई भजनकीर्तनका साथ सोही आगोमा प्रसाद बनाई ग्रहण गर्ने चलन पनि छ ।

शिवको पूजा गर्नेहरुको आज बिहानैदेखि काठमाडौंको पशुपतिनाथ, ललितपुरको कुम्भेश्वर, भक्तपुरको डोलेश्वर लगायतका मन्दिरहरुमा दर्शनार्थीहरुको घुइँचो छ ।

प्रकाशित मिति २०८० फागुन २५ गते शुक्रबार १०:०४