अन्तर्राष्ट्रिय श्रमिक महिला दिवस : विभिन्न कार्यक्रम गरी मनाइँदै

पोखरा ।

आज ११४औँ अन्तर्राष्ट्रिय श्रमिक महिला दिवस, विश्वभर विभिन्न कार्यक्रम गरी मनाइँदैछ ।

हरेक वर्ष मार्च ८ तारिखका दिन यो दिवस मनाउने गरिन्छ ।

सन् १९११ देखि मनाउन सुरु गरिएको अन्तर्राष्ट्रिय महिला दिवसले ११४ वर्ष पुरा गरिसकेको छ ।

सर्वप्रथम सन् १९०९ को २८ फेब्रुअरीमा संयुक्त राज्य अमेरिकाको सोशलिस्ट पार्टीले नारी दिवस मनाएको थियो ।

यसपछि सन् १९१० मा सोशलिस्ट इन्टरनेशनलको कोपेनहेगनको सम्मेलनमा यसले अन्तर्राष्ट्रीय दिवसको मान्यता पाएपछि महिलन दिवस विश्व भरी मनाउन थालिएको हो ।

यस वर्ष ‘महिलामा लगानी, सभ्य र समुन्नत समाजको थालनी’ भन्ने नाराका साथ विभिन्न कार्यक्रमहरु भइरहेका छन् ।

नेपालमा पनि हरेक वर्ष महिला दिवस मनाउने गरिए पनि यहाँका महिलाको अवस्थामा खासै उपलब्धि हुन सकेको भने छैन ।

तर पछिल्ला केही वर्ष यता उनीहरुका अधिकार स्थापित गर्न संविधानमा भएका केही संशोधनहरुले भएको परिवर्तन सकारात्मक भए पनि अझै नेपालका महिला आर्थिक, सामाजिक–सांस्कृतिक रुपले प्रताडित नै छन् ।