गण्डकीका भौतिक पूर्वाधार मन्त्री दीपक मनाङेले लिए शपथ

पोखरा

गण्डकी प्रदेशका भौतिक पूर्वाधार तथा यातायात व्यवस्था मन्त्री राजीव गुरुङ (दीपक मनाङे) ले पद तथा गोपनियताको सपथ लिएका छन् । प्रदेश प्रमुख डिल्लीराज भट्टले मन्त्री मनाङेलाई सोमबार पद तथा गोपनियताको शपथ गराएका हुन् ।

मुख्यमन्त्री सुरेन्द्रराज पाण्डेले मनाङेलाई आजै भौतिक पूर्वाधार मन्त्री नियुक्त गरेका थिए । मुख्यमन्त्री पाण्डेले कृषि मन्त्री रहेका महेन्द्रध्यज जिसी सामाजिक विकास तथा स्वास्थ्य मन्त्रालयको जिम्मेवारीसमेत दिएका हुन् ।

केन्द्रमा समीकरण फेरिएपछि मुख्यमन्त्री पाण्डेले माओवादी मन्त्रीलाई बर्खास्त गरेर भौतिक र सामाजिक विकास मन्त्रालय आफैँसँग राखेका थिए ।