पोखरा
मनाङबाट निर्वाचित प्रतिनिधि सभा सांसद टेकबहादुर गुरुङको निलम्बन फुकुवा गर्न सर्वोच्च अदालतले आदेश दिएको छ ।
सर्वोच्चका न्यायाधीशद्वय मनोजकुमार शर्मा र विनोद शर्माको संयुक्त इजलासले शुक्रबार गुरुङको निलम्बन फुकुवा गर्न अन्तरिम आदेश दिएको हो ।
भ्रष्टाचार मुद्दामा आफूलाई जरिवाना मात्रै भएको तर, कैद सजाय नभएको भन्दै गुरुङले सांसद पद निलम्बन फुकुवाको मागसहित रिट दायर गरेका थिए । गुरुङले संघीय संसदका सभामुख संघीय संसद सचिवालय सिंहदरवारसहित चार जनाविरुद्ध फागुन २१ गते रिट दायर गरेका थिए ।
गुरुङको निलम्बन फुकुवा भएसँगै कांग्रेसमा अब एक सांसद थपिएको छ । उनलाई भृकुटीमण्डपस्थित फनपार्कको जग्गा सस्तोमा भाडामा दिएर भ्रष्टाचार गरेको आरोपमा विशेष अदालतले दोषी ठहर गरेको थियो ।
प्रकाशित मिति २०८० चैत १६ गते शुक्रबार ०५:११
