देशलाई ठीक बाटोमा बढाएपछि मात्रै चौतारीमा बसेर सुस्केरा हाल्ने समय पाउँछु: केपी ओली

पोखरा
नेकपा एमालेका अध्यक्ष केपी शर्मा ओलीले एमाले र देशलाई ठिक बाटोमा बढाएपछि मात्रै चौतारीमा बसेर सुस्केरा हाल्ने समय पाउने बताएका हुन् ।

एमाले कास्कीको ११औं अधिवेशनबाट निर्वाचिन पदाधिकारीको सपथ ग्रहण कार्यक्रममा शुक्रबार ओलीले सो कुरा बताएका हुन् ।

‘नेकपा एमाले र यस देशलाई ठिक बाटोमा बढाएर, यस देशबाट गरिबी हटाएर, भोकमरी हटाएर अनि मात्रै नेकपा एमालेले अलिकति चौतारीमा बसेर सुसेरा हाल्ने समय पाउँछ,’ उनले भने ।

उनले पार्टीमा २० वर्षजति अरु कसैले आस नगरेपनि हुने सुनाए ।

‘कसैले एमालेबिनाको नेपाल भने कठै बरै । माया लाग्छ एमालेबिनाको नेपाल । कसैले केपी ओलीबिनाको एमाले भने दया लागेर आउँछ । केपी ओली नभइदिएको भए यसो गर्छु, उसो गर्छु भन्ने लाग्या होला । मैले पोहोरपरार भनेको थिए । जुँगा कालाकाला भएका छन्,’ उनले भने ।

उनले थपे, ‘मेरो सबै कपाल झरेको थियो । अहिले कपाल पलाउन थालेको छ। रोपेको होइन आफैले पलाउन थालेको छ । अस्तिनै मैले भने २० वर्षजति अरु कसैले आस नगरेपनि हुन्छ ।’