पोखरा
गण्डकी प्रदेशका प्रदेश प्रमुख डिल्लीराज भट्टले खगराज अधिकारीलाई मुख्यमन्त्री नियुक्त गरेको निणर्यविरुद्ध नेपाली कांग्रेस सर्वोच्च अदालत जाने भएको छ ।
गठबन्धनले सभामुखसहित गरेको दाबी पेस असंवैधानकि भएको भन्दै कांग्रेस सर्वोच्च जान लागेको कांग्रेस संसदीय दलमा प्रमुख सचेतक नन्दप्रसाद न्यौपानेले जानकारी दिए । यसअघि उनीहरुले खगराजलाई मुख्यमन्त्री नियुक्त नगर्ने प्रदेश प्रमुखलाई आग्रह गरेका थिए ।
गण्डकीमा एमाले संसदीय दलका नेता खगराज अधिकारीले आइतबार एमाले, माओवादी र राजीव गुरुङ (दीपक मनाङ) को समर्थनमा प्रदेश प्रमुख डिल्लीराज भट्टसमक्ष दाबी पेस गरेका थिए । त्यसपछि प्रदेश प्रमुखले खगराजलाई संविधानको धारा १६८ को उपधारा २ बमोजिम मुख्यमन्त्री नियुक्त गरेका थिए।
प्रकाशित मिति २०८० चैत २५ गते आइतबार ०२:०८
