संसदको गतिरोध अन्त्य गर्नेबारे छलफल
काठमाडौं ।
प्रधानमन्त्री पुष्पकमल दाहाल र नेपाली काँग्रेसका सभापति शेरबहादुर देउवाबीच भेट भएको छ ।
आईतबार बिहान सभापति देउवाको निजी निवास बुढानीलकण्ठमा भेट भएको हो ।
सभापति देउवाको आग्रहमा प्रधानमन्त्री दाहाल बुढानीलकण्ठ पुगेको काँग्रेस सांसद जीवन परियारले बताए ।
उनले बैठकमा नेकपा एमालेका अध्यक्ष केपी शर्मा ओलीलाई पनि बोलाइएको भएपनि प्रधानमन्त्री मात्रै बैठकमा सहभागी भएको पनि जानकारी दिए ।
भेटमा प्रधानमन्त्री दाहाल र देउवाबीच वान टु वान वार्ता समेत भएको छ ।
वार्ताबारे काँग्रेस सभापति देउवाले दलका नेताहरुलाई नबताएको र अहिलेको गतिरोध अन्त्य गर्ने बारेमा नै छलफल भएको हुनुपर्ने सांसद परियारले बताए ।
उनले भेटमा सहकारीको रकम अपचलनसम्बन्धी उपप्रधान एवं गृहमन्त्री रवि लामिछानेको नाम नै किटान गरेर जानुपर्ने अडान काँग्रेसले राखेको पनि जानकारी दिए ।
प्रधानमन्त्री सहकारी प्रकरणबारे छानबिन समिति गठन गर्न र अहिलेको गतिरोध हटाउन सकारात्मक देखिएको उनको भनाइ छ ।
शिर्ष दलका नेताहरुको बैठक आईतबार साँझ वा सोमबार बिहान पुनः बसेर निस्कर्षमा पुग्ने परियारले बताए ।
सत्ता पक्ष छानबिन गर्ने गरी सही रुपमा अझै प्रश्तुत नभएको समेत उनले आरोप लगाए ।
प्रकाशित मिति २०८१ जेठ १३ गते आइतबार ११:२७
