‘ए मेरो हजुर ४’ भदौ १८ बाट प्रदर्शन हुने, फस्टलुक यस्तो देखियो

काठमाडौं। चलचित्र ए मेरो हजुर-४ ले आफ्नो प्रदर्शन मिति तय गरेको छ । चलचित्र आउँदो वर्षको भदौ १८ बाट प्रदर्शनमा आउने निर्माणपक्षले जनाएको छ ।

फिल्ममा अनमोल केसी, सलोन बस्नेत तथा नायिका सुहाना थापालगायतका कलाकारको अभिनय रहेको छ ।

निर्माणपक्षले फिल्मको फस्टलुक सार्वजनिक गरेको छ । फस्टलुकमा अनमोल र सुहाना रोमान्टिक मुडमा देखिएका छन् । झरना थापाको निर्देशनमा बनेको यो चलचित्र सुनिलकुमार थापा प्रोडक्शनको ब्यानरमा बनेको हो ।

चलचित्रमा बसन्त सापकोटा, आशिष अविरल, प्रतिक पौडेल, कल्याण सिंहको संगीत, संजय लामाको छायांकन, कविराज गहतराज र रामजी लामिछानेको कोरियोग्राफी रहेको छ। यो वर्षको दशैंमा नै प्रदर्शनमा ल्याउने तयारी थियो ।

कोरोना महामारीका कारण छायांकन नै पूरा हुन सकेको छैन । चलचित्रको करिब १० प्रतिशत छायांकन अझै बाँकी छ, जुन केही दिनबाट शुरु गरिनेछ ।