दुई जिल्ला जोड्ने झाेलुङ्गे पुलमा पर्यटकको आकर्षण बढ्यो

बागलुङ ।

बागलुङ र पर्वत जिल्ला जोड्ने गरि कालीगण्डकी नदीमाथि निर्माण भएको झोलुङ्गे पुलमा पछिल्लो समय आन्तरिक तथा बाह्य पर्यटकको आकर्षण बढेको छ ।

पुलमा दैनिक डेढ सयदेखि दुई सयसम्म पर्यटक आउने गरेका छन् । यो पुल पाँच सय ६७ मिटर लामो छ  । विसं २०७७ देखि सञ्चालनमा आएको यो पुल करिब नौ करोड २५ लाख रुपैयाँमा सम्पन्न भएको हो ।

सिङ्गल स्पानको यो पुल नेपालकै लामो झोलुङ्गे पुल भएकाले मुक्तिनाथ, बागलुङ कालिका र गलेश्वर जाने हजारौँ पर्यटक यहाँ आउने गरेका हुन् ।

अहिले बजारमा समेत आन्तरिक पर्यटकको भीड हुने गरेको छ । धौलागिरिका चार जिल्लासहित मुलुकका विभिन्न ठाउँबाट आउने पर्यटकले बागलुङ बजारमा रौनकता छाएको छ ।

पुलमा फोटो खिच्ने, टिकटक बनाउनेको संख्या निकै बाक्लो देखिन्छ ।

प्रकाशित मिति २०८१ माघ ८ गते मंगलबार ०७:११