सनिबार थप ६१ जनाकाे ज्यान गयाे, ३३ सय ८५ जना संक्रमित थपिए

पाेखरा । पछिल्लो २४ घण्टामा मुलुकभर थप ६१ जनाको मृत्यु भएको छ । स्वास्थ्य मन्त्रालयका अनुसार याे अवधिमा थप ३ हजार ३ सय ८५ जना कोभिड बिरामी थपिएका छन् ।

१४ हजार ४९४ नमुना (८५०६ पीसीआर र ५९८८ एन्टीजेन) परीक्षण गर्दा ती संक्रमित थपिएका हुन् । संक्रमित हुनेहरुमा २१ देखि ४० वर्ष उमेर समूहका अत्याधिक छन् ।

परीक्षण गराउने मध्येको पजेटिभ हुने दर १८.९ प्रतिशत छ । जुन अहिलेसम्म स्थिर छ । मृत्यु हुने दर १.६ प्रतिशत रहेको छ ।

थप ६२९५ जना निको भएका छन् । निको हुने दर ८६.९ प्रतिशत पुगेको छ । सक्रिय संक्रमित संख्या ७१ हजार ३०१ पुगेको छ ।