काेराेना अपडेट – साेमबार थप ५३ जनाकाे मृत्यु

पाेखरा । पछिल्लो २४ घन्टामा देशभर थप ५३ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार याे अवधीमा देशभर थप २ हजार ९ सय १८ जनामा कोरोनाभाइरस संक्रमण पुष्टि भएको छ ।

यसैगरी हालसम्म देशभर कोरोनाबाट मृत्यु हुनेको संख्या ८ हजार ४ सय ६५ पुगेको छ। गत २४ घन्टामा ५ हजार १ सय ४७ जना कोरोना संक्रमित डिस्चार्ज भएको स्वास्थ्य तथा जनसंख्या मन्त्रालयले जनाएको छ।

हाल देशभर ६५ हजार ८०४ सक्रिय संक्रमित रहेका छन्।