बिरगंजको मुख्य बजार क्षेत्रमा कर्फ्यु

बिरगंज ।

बिरगंजको छप्पैया चौकमा शनिबार हनुमान जयन्तीको शोभायात्राका क्रममा भएको झडपका कारण बिरगंजको मुख्य बजार क्षेत्रमा कफ्र्यु लगाइएको छ ।

हनुमान जयन्तीको अवसरमा बिरगंजको छपकैया–३ मा रहेको श्रीराम हल चोक नजिक शोभायात्रा माथि अज्ञात समूहबाट ढुंगामुढा भए पछि झडप भएको थियो । शोभायात्रा इदगाह चौक नजिक पुग्दा दुई पक्षबीच विवाद सुरु भएको थियो, जुन पछि ढुंगामुढा र आगजनी सहितको झडपमा परिणत भएको स्थानीय प्रत्यक्षदर्शीले बताएका छन् ।

यस घटनापछि जिल्ला प्रशासन कार्यालय पर्साले वीरगन्जको मुख्य बजार क्षेत्रमा राति ७ बजेदेखि आइतबार बिहान १२ बजेसम्म कफ्र्यु आदेश जारी गरेको छ ।