काेराेना अपडेट : सनिबार थप ३० जनाकाे ज्यान गयाे, २ हजार १६ संक्रमित थपिए

पाेखरा । पछिल्लो २४ घण्टामा देशभर थप ३० जनाकाे काेराेना भाइरसकाे संक्रमणका कारण मृत्यु भएकाे छ । देशभर हालसम्म कोरोना संक्रमणका कारण ८ हजार ९७५ जनाको मृत्यु भएको स्वास्थ्य तथा जनसंख्या मन्त्रालयले जनाएकाे छ ।

साेही अवधीमा थप २०१६ जनामा कोरोना भाइरस संक्रमण पुष्टि भएको मन्त्रालयले जनाएकाे छ ।

स्वास्थ्य तथा जनसंख्या मन्त्रालयका अनुसार ४७०४ जनामा गरिएको पीसीआर परीक्षणमा ११७४ र ४८०६ जनामा गरेको एन्टिजेन परीक्षणमा ८४२ जनामा संक्रमण पुष्टि भएको हो । योसँगै नेपालमा कोरोना संक्रमितको कुल संख्या ६ लाख ३२ हजार ३२६ पुगेको छ ।

याे अवधीमा ४९१४ जना संक्रमणमुक्त भएका छन् । नेपालमा हालसम्म कोरोना संक्रमणमुक्त हुनेको संख्या ५ लाख ८१ हजार ३२७ पुगेको छ ।

सक्रिय संक्रमितको संख्या ४२ हजार २४ रहेको छ । तीमध्ये ३९ हजार १९९ जना होम आइसोलेसनमा र २ हजार ८२५ जना संस्थागत आइसोलेसनमा छन् । तीमध्ये ७३४ जना आईसीयूमा र २२२ जना भेन्टिलेटरमा छन् ।