काेराेना अपडेट – बुधबार देशभर थप २८ जनाकाे ज्यान गयाे

पाेखरा । काेराेना भाइरसकाे संक्रमणका कारणा पछिल्लो २४ घण्टामा देशभर थप २८ जनाको मृत्यु भएको छ । यो सहित नेपालमा कोरोना संक्रमणबाट मृत्यु हुनेको संख्या ९ हजार २ सय ९१ पुगेको छ ।

यहि अवधीमा नेपालभर थप २ हजार ९ सय ७९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ११ हजार ८ सय ९८ जनामा गरिएको परीक्षणमा २ हजार ९ सय ७९ जनामा संक्रमण पुष्टि भएको हो । ७ हजार ८ सय ३५ जनाको पीसीआर विधि र ४०६३ जनाको एन्टिजेन विधिबाट परीक्षण गरिएको मन्त्रालयले जनाएको छ ।

मन्त्रालयका अनुसार २४ घण्टामा १ हजार ३ सय ३३ संक्रमित निको भएर फर्किएका छन् । हालसम्म देशभर निको हुनेहरुको संख्या ६ लाख १४ हजार ३२७ पुगेको छ ।

मन्त्रालयका अनुसार अहिलेसम्म पीसीआर विधिबाट ३३ लाख ९१ हजार ३७९ जनाको परीक्षण गरिएको छ भने २ लाख १७ हजार ४२१ जनाको एन्टिजेन विधिबाट परीक्षण गरिएको छ ।