केजिएफ निर्देशकले प्रभासलाई लिएर एक्सन, एडवेन्चर फिल्म ‘सालार’ ल्याउँदै

केजीएफ’ र ‘केजीएफ २’ का निर्देशक प्रशान्त नीलले बाहुबली स्टार प्रभासलाई लिएर एक्सन, एडवेन्चर फिल्म ‘सालार’ ल्याउँदैछन् । सालार एक लार्जर देन लाइफ फिल्म हो । होम्बले फिल्मस्को निर्माण रहेको ‘सालार’ एक बहुप्रतिक्षित फिल्म हाे ।

केजीएफ सीरीजपछि निर्देशक प्रशान्त नील होम्बले फिल्मस् बीच यो तेस्रो सहकार्य हो । फिल्मको २० प्रतिसत छायाँकन सकिएको छ । बाँकी २०२२ फेब्रुअरीसम्ममा गरिनेछ ।

बलिउड सुपरस्टार प्रभास र श्रुति हसनको मुख्य भूमिका रहेको फिल्म ‘सालार’मा जगपति बाबु भित्रिएका छन् । निर्माण युनिटले फिल्मको एक पोष्टर सार्वजनिक गर्दै जगपति बाबु भित्रिएको जानकारी दिएको हो ।

पोष्टरमा जगपति बाबु राजामनारको भूमिकामा देखिएका छन् । यो फिल्मको सबैभन्दा महत्त्वपूर्ण भूमिका भएको निर्माण युनिटले जनाएको छ ।

‘फिल्मका निर्माता विजय किरागन्दरले फिल्मलाई बाहिर ल्याउन धेरै पर्खन नसक्ने बताए । ‘अहिलेको पोष्टर सार्वजनिक गर्नुको पछाडिको उद्देश्य फिल्मको बिषयमा जिज्ञासा पैदा गर्नु हो,’ उनले भने ।