काठमाडौं ।
नेकपा (माओवादी केन्द्र)का अध्यक्ष पुष्पकमल दाहालले नेकपाका संस्थापक नेता नरबहादुर कर्माचार्य नेपाली कम्युनिष्ट आन्दोलनको प्रतिक रहेको बताएका छन् ।
स्वर्गीय नेता कर्माचार्यको स्मृति दिवसमा शुक्रवार काठमाडौंमा आयोजित एक कार्यक्रमलाई सम्बोधन गर्दै अध्यक्ष दाहालले यस्तो बताएका हुन् । उनले नेता कर्माचार्यलाई सरलता, सज्जनता र सही विचारप्रति अविचलित प्रतिवद्धता राख्ने नेता भनेर वर्णन गरे । अध्यक्ष दाहालले २०४६ सालको जनआन्दोलनपछि माओवादी विचारधारा मान्ने शक्तिहरू एकतावद्ध भएको स्मरण गर्दै अध्यक्ष दाहालले त्यही समय उनीसँग सहकार्य गर्ने मौका पाएको बताए । अध्यक्ष दाहालले स्वर्गीय नेता कर्माचार्यको योगदानको स्मरण गर्दै आफूले सधैँ आफ्नो अभिभावकको रुपमा सम्झिने गरेको समेत बताए ।
उनले कर्माचार्यको वैचारिक दृढता र संगठकीय प्रतिबद्धता नेपाली कम्युनिष्ट आन्दोलनका लागि प्रेरणाको स्रोत भएको जिकिर गरे ।
प्रकाशित मिति २०८२ साउन १० गते शुक्रबार १०:१८
