सनिबार थप २७ काे मृत्यु, १ हजार ८५७ जनामा संक्रमण पुष्टि

पाेखरा । काेराेना संक्रमणपछि पछिल्लो २४ घण्टामा देशभर थप २७ जनाले ज्यान गुमाएका छन् । योसँगै देशभर मृत्यु हुनेको संख्या १० हजार ६९० पुगेको छ।

यहि अवधिमा देशभर थप १ हजार ८५७ जनामा कोरोना भाइरसको संक्रमण पुष्टि भएको छ। स्वास्थ्य जनसंख्या मन्त्रालयका अनुसार शनिबार १३ हजार १७६ जनामा कोरोना परीक्षण गर्दा सो संख्यामा संक्रमित थपिएका हुन्।

पछिल्लो २४ घण्टामा ९ हजार ४०९ जनाको पिसिआर र ३ हजार ७६७ जनाको एन्टिजेन परीक्षण गरिएको थियो। त्यस्तै, २ हजार २२२ जना कोरोना संक्रमणबाट मुक्त भएका छन्। योसहित निको हुनेको संख्या ७ लाख १० हजार पुगको छ।हाल सक्रिय संक्रमित ३६ हजार ८६६ सय छन्। यसैगरी हालसम्म निको हुनेको दर ९३.७ प्रतिशत रहेको छ।

प्रकाशित मिति २०७८ भदौ १२ गते शनिबार ०४:५६