गोरखामा अखिल समाजवादी अखिल क्रान्तिकारीमा समाहित

गोरखा ।
नेकपा विप्लव निकट विद्यार्थी संगठन अखिल समाजवादी गोरखा, अखिल क्रान्तिकारी गोरखामा समाहित भएको छ।
केन्द्रीय सदस्य तथा गोरखा जिल्ला अध्यक्ष भीषण थापाको नेतृत्वमा गरिएको उक्त समाहतिको टोलीमा उपाध्यक्ष अभिषेक विक, सह–सचिव बिप्निता दुलाल, केन्द्रीय प्रतिनिधि सदस्य तथा कोषाध्यक्ष दिनिशा ढकाल, केन्द्रीय प्रतिनिधि सदस्य अनिषा राना मगर रहेका छन्।
यस्तै, आज खड्का, आस्विन कुमार, शुभम् राना, मानिस गुरुङ, उमेश विक, उत्तम गुरुङ, सुवास गुरुङ, आशिष विक, वसन्त रम्तेलसहित सिङ्गो जिल्ला समिति नै अखिल क्रान्तिकारीमा प्रवेश गरेको अखिल क्रान्तिकारी गोरखा जिल्ला अध्यक्ष सुलभ अँगाईले जानकारी दिए।
नवप्रवेशीहरूलाई नेपाल कम्युनिष्ट पार्टी माओवादी केन्द्रका केन्द्रीय सदस्य तथा गोरखा जिल्ला इन्चार्ज अमर तमुले खादा लगाएर स्वागत गरेका थिए।