काठमाडौं ।
प्रतिनिधिसभा विघटनविरुद्ध थप ५ वटा रिट दर्ता भएका छन् ।
प्रधानमन्त्रीमा सुशीला कार्कीको नियुक्ति, प्रतिनिधिसभा विघटनलगायतविरुद्ध आइतबार थप ५ वटा रिट दर्ता भएको सर्वोच्च अदालतका प्रवक्ता अर्जुनप्रसाद कोइरालाले जानकारी दिए ।
योसँगै यस प्रकरणमा सर्वोच्च अदालतको संवैधानिक इजलासमा दर्ता हुने रिटको संख्या १६ पुगेको छ ।
प्रधानमन्त्रीमा कार्कीको नियुक्ति र उनले गरेको प्रतिनिधिसभा विघटन अवैधानिक भएको भन्दै परेका रिटमा यही कात्तिक १२ गतेदेखि सुनुवाइ हुनेछ ।
यसअघि अधिवक्ता डा. प्रेमराज सिलवाल, युवराज पौडेल, कीर्तिनाथ शर्मा पौडेल तथा आयुष बडाललगायतले सुशीला कार्कीको नियुक्ति बदर र प्रतिनिधिसभा पुनःस्थापनाको माग गर्दै रिट दिएका थिए ।
प्रकाशित मिति २०८२ कात्तिक ४ गते सोमबार ०९:०९
