पोखरा ।
पूर्वसांसद डा. सुनिल शर्माले मेडिकल विधाले छलाङ मारेको बताएका छन् ।
नोबेल मेडिकल कलेजको ‘नोबेल डे’ को अवसरमा आयोजित कार्यक्रमलाई सम्बोधन गर्दै उनले अरु क्षेत्रमा पनि मेडिकल जगत्मा जस्तै नेपालमा फड्को मारेको भए मुलुक दुबइ, सिंगापुर बनिसकेको हुने बताए ।
शर्माकाअनुसार राज्यका नीति र सबैको मेहनतले नेपालले मेडिकल क्षेत्रमा महत्वपूर्ण फड्को मारेको छ । अब अरु क्षेत्रमा पनि फड्को मार्न जरुरी रहेको उनको भनाइ छ ।
डा. शर्माले भने–‘वास्तवमा मेडिकल विधामा नेपालले आफूलाई जति छंलाङ मार्नसक्यो । अरु विधामा यसरी नै छंलाङ मारेको भए हामी दुबइ वा सिंगापुरको हाराहारीमा यो मुलुकलाई पु¥याउन सक्थ्यौं । तर मेडिकलमा मात्र अघि बढ्यो अरुमा कम प्रोगे्रस भयो । त्यसकारणले यहाँसम्म आइपुग्नुको पछाडी राज्यको नीति सबैको परिश्रम, मेडिकल क्षेत्रले आफूलाई फास्ट ट्रायकमा विकास गरेका कारणले हामी यहाँ सम्म आइपुग्यौं । अब हाम्रो जमाना त गइसक्यो । जेनजीहरुको जमाना छ । म आश गर्छु अर्को २० वर्ष पछाडी म बुढो भएपछि पनि नोबल डे मनाइरहँदा आज जुन ठाउँमा पुगेको छ यो भन्दा अझ अगाडी २० गुणा ग्रो भएको हामीले देख्न पाइयोस् ।’
प्रध्यापक डाक्टर अच्युत वाग्लेले मेडिकल क्षेत्रमा आएको अत्याधुनिक प्रणालीलाई आत्मसाथ गर्नु नै अहिलेको मुख्य चुनौति रहेको बताए ।
अहिले एआइ, रोबर्टको प्रयोग मेडिकल क्षेत्रमा भइरहेको बताउँदै उहाँले त्यसलाई अंगिकार गरेर अघि बढ्नुपर्नेमा जोड दिए ।
नोबेल मेडिकल कलेजकी निर्देशक सोइना शर्माले अत्याधुनिक प्रणालीबाट नोबलले सेवा दिनुका साथै सरकारी नीतिहरुको समेत परिपालनामा आफूहरु अब्बल रहेको बताए ।
उनकाअनुसार स्वास्थ्य बीमा लागूदेखि विपन्नलाई उपचार प्रदान समेत नोबलले गरेको छ ।
विराटनगर महानगरपालिका प्रमुख नागेश कोईरालाले निजी क्षेत्रमा सबैभन्दा नाम चलेको संस्थाका रुपमा नोबेल मेडिकल कलेज स्थापित भएको बताए ।
उनकाअनुसार नोबल स्थापनापछि केही डाक्टरले मात्रै नभई समाजमा धेरैले रोजगारी समेत पाइरहेका छन् ।
उनले नोबल मेडिकल कलेजको स्थापनापछि स्वास्थ्य क्षेत्रमा धेरै नै प्रगति भइरहेको बताए ।
उपाचारका लागि बाहिर जाने बाध्यता हट्नु सुखद् भएको उनको भनाइ छ ।
प्रकाशित मिति २०८२ मंसिर ४ गते बुधबार १२:४१
