१८ वर्षपछि फेरि मनाङबाट चुनाव लड्दै देव गुरुङ

काठमाडौँ ।
पूर्वमन्त्री तथा नेपाली कम्युनिस्ट पार्टीका नेता देव गुरुङ १८ वर्षपछि मनाङ १ बाट चुनाव लड्ने भएका छन् । साबिक नेकपा माओवादी केन्द्रका महासचिव समेत रहेका गुरुङलाई आगामी फागुन २१ गते हुने प्रतिनिधिसभा सदस्य निर्वाचनका लागि नेकपाले हिमाली जिल्ला मनाङबाट उम्मेदवार बनाएको हो ।

२०६४ सालमा भएको पहिलो संविधानसभा निर्वाचनमा उनी मनाङ १ र कास्की १ बाट विजयी भएका थिए । पार्टी विभाजन पश्चात् मोहन वैद्य किरण समूहमा लागेका उनले २०७० सालमा भएको दोस्रो संविधानसभा निर्वाचन बहिष्कार गरे । २०७४ सालमा लमजुङ १ बाट विजयी भएका गुरुङ २०७९ को निर्वाचनमा सोही क्षेत्रबाट पराजित भएका थिए ।