भारतमा ओमिक्रोनः नयाँ दिल्लीमा आजदेखि रात्रीकालिन कर्फ्यू

काठमाडौँ । भारतको राजधानी नयाँ दिल्लीमा रात्रीकालिन कर्फ्यू लगाइने भएको छ ।

कोरोनाको ओमिक्रोन भेरियन्ट फैलने खतरा बढेपछि दिल्ली सरकारले आजबाट राति ११ बजेदेखि बिहान ५ बजेसम्म कर्फ्यू लगाउने घोषणा गरेको हो ।

आइतबार दिल्लीमा २९० जना नयाँ संक्रमित फेला परेको र एक जनाको मृत्यु भएपछि सरकारले रात्रीकालीन कर्फ्यू लगाउने निर्णय गरेको हो ।

नयाँ भेरियन्टका बिरामी र अधिकांश संक्रमित नयाँ दिल्लीमा देखिएका छन् । नयाँ दिल्लीबाहेक अन्य सहरहरुमा पनि विभिन्न प्रतिबन्ध लगाइएका छन् ।