देशभर १३ सय १३ जनामा कोरोनाभाइरसकाे संक्रमण पुष्टि

गत २४ घण्टामा देशभर १३ सय १३ जनामा कोरोनाभाइरस संक्रमण पुष्टि भएको छ भने पछिल्लो २४ घण्टामा ३ महिला र ३ पुरुष गरी ६ जनाको निधन भएको छ । योसँगै नेपालमा काेराेना भाइरसकाे संक्रमणका कारणा मृत्यु हुनेको संख्या ४५९ पुगेको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले शुक्रबारकाे नियमित प्रेस ब्रिफिङमा देशभर सक्रिय संक्रमितको संख्या १८ हजार २८९ रहेको र तीमध्ये ८ हजार २३७ जना संस्थागत आइसोलेशनमा रहेकाे बताए ।

यस्तै पछिल्लो २४ घण्टामा जना १४ सय ५५ कोरोनाभाइरस संक्रमणमुक्त भएका छन् । यससँगै हालसम्म संक्रमणमुक्त हुनेको कुल संख्या ५१ हजार ८६६ जना पुगेको छ । संक्रमणमुक्त हुने दर ७३.४ प्रतिशत रहेको छ ।

आइसीयूमा २२७ जना र भेन्टिलेटरमा ३९ जना रहेका छन् । ७ जिल्लामा ५ सयभन्दा बढी सक्रिय संक्रमित रहेका छन् भने ७ जिल्ला कोरोनासंक्रमुक्त भएका छन् ।