महिला हक्कीमा बागमती मधेससंग पराजित

पोखरा ।
नवौं राष्ट्रिय खेलकुद अन्तर्गत महिला हक्कीको सोमबार (आज) भएको खेलमा मधेश प्रदेशले बागमतीलाई प्रदेशलाई हराएको छ ।
मधेश प्रदेशले २–० को गोल अन्तरले बागमती प्रदेशलाई हराएको हो । खेलको पहिलो क्वाटरमा सरिता पुलामीले मधेशका लागि गोल गरेकी थिइन् ।
२७ औं मिनेटमा सरिताको गोलले मधेशलाई खेलमा अग्रता दिलाएको हो । खेलको तेस्रो क्वाटरमा रोनी राइले मधेशका लागि पुनः एक गोल गरिन् । ४८ औं मिनेटमा रोनीको गोलले मधेशलाई २–० को जित दिलायो । योसँगै लिगको पहिलो चरण सकिएको छ ।
यस्तै खेलमा आर्मी, प्रदेश १, सुदूरपश्चिम र गण्डकी सेमिफाइनला पुगेका छन् । भोलि हुने पहिलो सेमिफाइनल खेल आर्मी र प्रदेश १ बीच हुँदै छ । यस्तै सेमिफाइनलको दोस्रो खेलमा गण्डकी र सुदूरपश्चिम भिड्दै छन् । भोलि हुने खेलका विजेताले पर्सी उपाधिका लागि मैदानमा उत्रिने छन् । प्रतियोगितामा सात टिमको सहभागिता थियो ।