गोरखा
गोरखा नगरपालिका वडा नम्बर ५ का अध्यक्ष खिलबहादुर रानाको निधन भएको छ । बिहीबार साँझ गोरखा ५ पसलाङस्थित आफ्नै घरमै एक्कासी लडेर बेहोस भएका ३५ वर्षीय उनलाई उपचारको लागि गाेरखा अस्पताल लगिएको थियो ।
अस्पतालका अनुसार उनको अस्पताल पुग्नु अघि नै निधन भएको हो । रानाको श्रीमती काम विशेषले भारत गएको र घरमा एक्लै भएको अवस्थामा उनी लडेर बेहोस भएको आफन्तले बताएका छन् । साँझ उनको घरमा बत्ती नबलेपछि आफन्त गएर हेर्दा उनी भुँइमा घोप्टो परेको अवस्थामा बेहोस थिए ।
नेकपा एमालेबाट निर्वाचित उनी पार्टीको जिल्ला कमिटी सदस्य तथा युवा संघ नेपाल गण्डकीका सहइन्चार्ज समेत थिए । उनको शवलाई पोष्टमार्टको लागि अस्पतालमा राखिएको प्रहरीले बताएकाे छ ।
प्रकाशित मिति २०७९ कात्तिक ११ गते शुक्रबार ०९:३१
