पोखरा
पोखरा जहाज दुर्घटनामा ज्यान गुमाएकाहरु ७० जना मध्येको हिजो र आज गरि ३ जनाको पोस्टमार्टम कार्य सकिएको छ । यससंगै परिवारले शव पनि बुझिसकेका छन् ।
आज २२ जनाको पोस्टमार्टम गर्ने प्रक्रिया सुरु गरेको पोखरा स्वास्थ्य विज्ञान प्रतिष्ठान गण्डकीका निर्देशक भरत खत्रीले जानकारी दिए ।
अपुष्ट, विदेशी एवं पहिचान नखुलेका बाँकी शवको पोस्टमार्टमका लागि अहिले केहीबेरमा काठमाडौं लगिदैँ छ । नेपाली सेनाको स्काई ट्रकको जहाजमा २३ र २५ जनाको शवलाई हेलिकप्टरबाट लैजाने तयारी रहेको छ ।
आइतबारकाठमाडौंबाट पोखरातर्फ आउँदै गरेको यती एअरलाइन्सको विमान पुरानो पोखरा विमानस्थल पछाडिको सेती खोंचमा दुर्घटनामा परेको थियो ।
विमानमा ४ चालक दल र ६८ यात्रुसहित ७२ जना सवार थिए ।
दुर्घटनाग्रस्त विमानमा यात्रारत हालसम्म ७० जनाको शव भेटिए पनि २ जना भेटिन बाँकी छ ।
प्रकाशित मिति २०७९ माघ ३ गते मंगलबार १०:४५
