पोखरा । गण्डकी प्रदेशको मन्त्रिपरिषद्ले पूर्णता पाएको छ ।
एमालेले मुख्यमन्त्रीसहित चार, माओवादी केन्द्रले दुई र राप्रपाले एउटा मन्त्रालय पाएका छन् । गण्डकीमा एमाले नेता खगराज अधिकारीको नेतृत्वमा सरकार छ ।
नेकपा एमालेकी सीताकुमारी सुन्दास आर्थिक मामिला मन्त्री, रोशनबहादुर गाहा थापा आन्तरिक मामिला तथा कानुन मन्त्री र वेदबहादुर गुरुङ कृषि तथा जलस्रोत मन्त्री बनेका छन् ।
माओवादी केन्द्रका हरिबहादुर चुमान भौतिक पूर्वाधार विकास र रेशमबहादुर जुग्जाली उद्योग, पर्यटन, वन तथा वातावरण मन्त्री बनेका छन् ।
राप्रपाका पञ्चराम गुरुङलाई सामाजिक विकास तथा स्वास्थ्य मन्त्रालयको जिम्मा दिइएको छ ।
यसअघि २५ पुसमा मुख्यमन्त्री अधिकारीसहित एमालेकी सुन्दास, माओवादीका चुमान र राप्रपाका गुरुङले शपथ लिएका थिए । तीन जना मन्त्री हालसम्म बिनाविभागीय रहेकोमा मंगलबार तीन जना मन्त्रीको शपथपछि मन्त्रालय पनि टुंग्याइएको हो ।
प्रकाशित मिति २०७९ माघ १० गते मंगलबार ०७:२६
