पोखरा
देशमा स्थानीय वायुको साथै पश्चिमी वायुको आंशिक प्रभाव रहेको छ । आज देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा छ । गण्डकीसहित कोशी र कर्णाली प्रदेशका पहाडी भूभागका केही स्थानमा बिहीबार मेघगर्जन र चट्याङसहित हल्का वर्षाको सम्भावना छ । पाेखराकाे माैसम भने सफा छ । अहिले पाेखरामा घाम लागेको छ ।
आज दिउँसो कर्णाली प्रदेशको पहाडी भूभागमा आंशिकदेखि सामान्यतया बदली रही बाँकी पहाडी भूभाग लगायत लुम्बिनी र सुदूरपश्चिम प्रदेशमा आंशिक बदली रहनेछ । अन्य भूभागमा मौसम सामान्यतया सफा रहनेछ ।
प्रकाशित मिति २०७९ चैत २३ गते बिहीबार ०७:०२
