अग्रज पत्रकार कृष्ण ज्ञवाली (अञ्जान) को निधन भएको छ ।
गुल्मीको रुरु क्षेत्र गाउँपालिका–१ निवासी ज्ञवालीको ५५ वर्षको उमेरमा बुटवलस्थित लुम्बिनी प्रादेशिक अस्पतालमा शुक्रबार बेलुकी उपचारको क्रममा निधन भएको हो ।
केही दिनयता बिरामी परेका उनी उपचारको लागि बुटवल गएका थिए ।
गुल्मीबाट पत्रकारिता सुरु गरेका ज्ञवाली धेरै वर्ष पोखरामा रहेर विभिन्न सञ्चार माध्यममा काम गरेका थिए ।
उनी पुनः गुल्मी फर्केर केही वर्षयता ग्रामीण क्षेत्रमा रहेर पत्रकारिता गर्दै आएका थिए ।
उनी रुरुस्थित घरमा एक्लै बस्दै आएका थिए ।
उनको परिवार भने पोखरामा छ ।
प्रकाशित मिति २०८० साउन २० गते शनिबार ११:५३
