बागलुृङ पहिरो अपडेटः बेपत्ता श्रीमानको पनि शव भेटियो

पोखरा
बागलुङको पहिरोले घर पुरिएर वेपत्ता प्रेम विकको पनि शव फेला परेको छ ।

पहिरोमा वेपत्ता भएका गलकोट नगरपालिका-८ काँडेबाँसका बिसौनीका ५५ वर्षीय पुनको शव फेला परेको जिल्ला प्रहरी कार्यालय बागलुङले जनाएको छ ।

यसअघि पहिरोमा पुरिएको अवस्थामा प्रेमकी श्रीमती ५० वर्षीया वसन्ती विकको शव फेला परेको थियो । प्रहरीले पहिरोले पुरिएका श्रीमान श्रीमतीको उद्दार तथा खोजी गरेर शव निकालेको जिल्ला प्रहरी कार्यालय बागलुङका सूचना अधिकारी एवं प्रहरी नायब उपरीक्षक विजय यादवले जानकारी दिए ।

पहिरोले घर पुरिँदा प्रेमकी बुहारी कुमारी र नाति शिविर घाइते भएका छन् । घाइतेलाई उद्धार गरी अस्पताल पठाइएको छ ।गए रातिको भारी वर्षाका कारण घरमाथीबाट खसेको पहिरोले घर पुरेको थियो ।