पोखरा
रोल्पा पोखरा समाजले शनिबार आफ्नो समाज भवन परिसरमा वृक्षरोपण कार्यक्रम गरेको छ ।
पोखरा निर्मल टोलमा रहेको समाज भवनमा वृक्षरोपण गरिएको समाजका पूर्वअध्यक्ष प्रसाद बुढामगरले जानकारी दिए ।
आर्थिक आम्दानीसँग पनि जोड्न सकिने प्रजातिको विरुवा रोपेको र त्यसले पर्यावरणीय दृष्टिकोणले पनि फाइदा हुने बुढामगरले बताए ।
उनका अनुसार वृक्षरोपण कार्यक्रममा समाजका सम्पूर्ण सल्लाहकार र सदस्यहरुको उपस्थिति थियो ।
साथै सोही अवसरमा समाजका संस्थापक सचिव रामप्रसाद रोकामगरलाई पनि सम्मान गरिएको थियो ।
१ दशक लामो दक्षिण कोरिया बसाइँपश्चात नेपाल फर्किएका समाजसेवी रामसहित उनकी पत्नी मनसरा रोकामगरलाई सम्मान गरिएको बुढामगरले जानकारी दिए ।
प्रकाशित मिति २०८१ साउन ६ गते आइतबार ०४:०३
