पोखरा ।
धादिङको झ्याप्ले खोलामा पुरिएको अवस्थामा थप तीन वटा शव फेला परेको छ ।
पहिरो पन्छाउने क्रममा झ्याप्ले खोलामा थप तीन वटा शव भेटिएको हो ।
त्यहाँ हिजो पहिरोले पुरेका दुईवटा बस र १४ जना यात्रुको शव निकालिएको थियो । त्यही पहिरोमा आज अर्को बस पनि पुरिएको अवस्था भेटिएको हो । शवको पहिचान भएको छैन ।
आज भेटिएको बस र तीन जना यात्रु गोरखाबाट काठमाण्डौतर्फ जाँदै गर्दा सम्पर्कविहीन भएको बस र यात्रु हुन सक्ने प्रहरीले आशंका गरको छ । तर पुष्टि भने भइसकेको छैन ।
बस र यात्रुको पहिचान भने भइसकेको छैन ।
गोरखाको लापुबेंसीबाट शुक्रबार बिहान काठमाण्डौका लागि छुटेको बस सम्पर्कविहीन भएको दराँैदी यातायात प्रा.लीले जनाएको थियो ।
प्रकाशित मिति २०८१ असोज १३ गते आइतबार १०:३८
