काठमाडौं ।
आज सोमबार नेपाली बजारमा सुनचाँदीको मूल्य घटेको छ ।
नेपाल सुनचाँदी व्यवसायी महासङ्घका अनुसार आइतबार एक लाख ६६ हजारमा कारोबार भएको छापावाला सुन आज तोलामा एक हजारले घटेर एक लाख ६५ हजारमा कारोबार भइरहेको छ ।
यस्तै, चाँदीको मूल्य पनि तोलामा पाँच रुपैयाँले घटेको छ ।
आइतबार प्रतितोला रु एक हजार नौ सय ६० मा कारोबार भएकामा चाँदी आज एक हजार नौ सय ५५ रुपैयाँमा कारोबार भइरहेको छ ।
प्रकाशित मिति २०८१ कात्तिक २६ गते सोमबार ११:५९
