पोखरा ।
पूर्वराजा ज्ञानेन्द्र शाह पोखराबाट काठमाडौं प्रस्थान गरेका छन् ।
करिब एक महिनाको पोखरा बसाइ सकेर काठमाडौं काठमाडौं प्रस्थान भएका हुन् । उनलाई पोखरा विमानस्थलमा समर्थकले भव्य बिदाई गरे ।
निजी भ्रमणका क्रममा पोखरा लामो समयमा बिताएपछि पूर्वराजा आज काठमाडौं फर्किन लागेका हुन् । समिट एयरको चार्टर जहाजमार्फत उनी गएका हुन् । पोखरा विमानस्थलमा पूर्वराजालाई बिदाई गर्न समर्थकको भिड लागेको थियो । उनलाई पञ्चेबाजा बजाएर बिदाई गरियो ।
समर्थकले राजसंस्थाको समर्थनमा नाराबाजी समेत गरे । पूर्वराजा दुवोको माला लगाएर निस्किएका छन् ।
संस्कृतिविद् डा. जगमान गुरुङ पनि पूर्वराजालाई बिदाई गर्न विमानस्थल पुगेका थिए । काठमाडौंमा पूर्वराजालाई भव्य स्वागत गर्ने तयारी गरिएको छ । त्रिभुवन विमानस्थल अगाडि हजारौं समर्थकहरू जम्मा भइसकेका छन् ।
प्रकाशित मिति २०८१ फागुन २५ गते आइतबार ०४:०५
