पोखरा ।
सन् २०२५ को मार्च महिनामा मात्रै एक लाख २१ हजार आठ सय विदेशी पर्यटकले नेपालको भ्रमण गरेका छन् ।
नेपाल पर्यटन बोर्डको तथ्यांकअनुसार यो संख्या हवाइमार्ग भएर आएका पर्यटकको हो ।
बोर्डको विवरणमा वर्षको पहिलो तीन महिनामा दुई लाख ९८ हजार पर्यटक नेपाल भित्रिएका थिए ।
सन् २०२५को जनवरीमा ७९ हजार ९ सय र फेब्रुअरीमा ९६ हजार आठ सय पर्यटक नेपाल आएको पर्यटन बोर्डको तथ्यांकले देखाएको छ ।
नेपालको भ्रमणमा आउनेमा सबैभन्दा धेरै भारतीय पर्यटक छन् । मार्च महिनामा सबैभन्दा धेरै भारतबाट २१ हजार चार सय १२ पर्यटक नेपाल आएका थिए ।
त्यस्तै चीनबाट ११ हजार चार सय ४३ र अमेरिकाबाट ११ हजार ९२ जना अमेरिकी आएका बोर्डको विवरणमा उल्लेख छ ।
त्यस्तै श्रीलंकाबाट आठ हजार आठ सय ८६ र बेलायतबाट पाँच हजार नौ सय ९५ जना आएका छन् ।
मार्चमा दक्षिण एशियाली देशका ३५ हजार दुई सय ८७ पर्यटक आएका छन् ।
प्रकाशित मिति २०८१ चैत १९ गते बुधबार ११:०६
