पोखरा
पोखरा महानगरपालिकाले नयाँ शैक्षिक सत्र २०८२ को पठन–पाठन बैशाख १७ गतेसम्ममा सुरु गर्न विद्यालयलाई पत्राचार गरेको छ ।
पोखरा महानगरपालिका, नगर शिक्षा समितिको आइतबार बसेको बैठकले बैशाख १७ गतेसम्ममा पठन–पाठन नियमित रुपमा सञ्चालक गर्न पत्राचार गर्ने निर्णय गरेको हो ।
विगत केही समयदेखि नेपाल शिक्षक महासंघको आन्दोलनका कारण सामूदायिक विद्यालयहरुको पठन–पाठन प्रभावित भएको छ ।
आन्दोलनकै बीच देशका विभिन्न स्थानीय पालिकाले विद्यालय सञ्चालन गर्न विद्यालयलाई पत्राचार गर्दै आएको छ ।
शिक्षक महासंघले भने ऐन जारी नभए सम्म आन्दोलन जारी राख्ने अडान लिएको छ ।
प्रकाशित मिति २०८२ वैशाख १५ गते सोमबार ०३:१७
