राष्ट्रिय युवा संघ नेपालको नेतृत्वका लागि थेबे र पुरीबिच प्रतिस्पर्धा हुने निश्चित

पोखरा ।

राष्ट्रिय युवा संघ नेपालको नेतृत्वका लागि हालका अध्यक्ष क्षितिज थेबे र महासचिव सुमन पुरीबिच प्रतिस्पर्धा हुने निश्चित भएको छ ।

पोखरामा जारी १०औं महाधिवेशनमा अध्यक्षमा थेवे र पुरीले उम्मेदवारी दर्ता गराएका हुन् । दुवैले उम्मेदवारी दर्ता गराउदा नाराबाजीसहित प्रवेश गरेका थिए ।

उनीहरु प्यानलसहित चुनावी मैदानमा उत्रिएका हुन् । पहिले पनि उम्मेदवारी दर्ता हुने प्रक्रिया चलिरहेको छ ।

प्रधानमन्त्री केपी शर्मा ओलीले हालका अध्यक्ष थेवेलाई अध्यक्ष बनाउन निर्देशन दिएपनि सुमनले अडान नछोडेपछी चुनाव हुन लागेको हो । भोलि बिहान ८ बजेबाट ४ बजेसम्म मतदान हुनेछ । मतदानका लागि भोटिङ मेसिन लिइसकिएको छ ।