काठमाडौं ।
संघीय संसद्का दुई समितिको बैठक आज बस्दै छ ।
अर्थ समिति र उद्योग तथा वाणिज्य तथा श्रम तथा उपभोक्ता हित समितिको बैठक बस्ने संसद् सचिवालयले जनाएको छ ।
जसअन्तर्गत उद्योग तथा वाणिज्य तथा श्रम तथा उपभोक्ता हित समितिको बैठक बिहान ११ बजे बस्ने सचिवालयले जनाएको छ ।
सो बैठकमा निकासी पैठारी (नियमन) विधेयक, २०८१ सम्बन्धमा उद्योग, वाणिज्य तथा आपूर्ति मन्त्रालय र कानून, न्याय तथा संसदीय मामिला मन्त्रालयसँग छलफल हुनेछ ।
त्यस्तै अर्थ समितिको बैठक दिउँसो १२ बजेका लागि बोलाइएको छ ।
बैठकमा बैंक तथा वित्तीय संस्था सम्बन्धी ऐन, २०७३ लाई संशोधन गर्न बनेको विधेयकबारे सरोकारवाला निकाय र विज्ञहरूसँग छलफल गर्ने कार्यसूची छ ।
प्रकाशित मिति २०८२ जेठ १३ गते सोमबार ०९:३७
